O Comité Pro Saúde Mental en Primeira Persoa da Confederación SALUD MENTAL
ESPAÑA compoñémolo persoas con problemas de saúde mental que representamos a todas as federacións autonómicas e asociacións uniprovinciais membro desta organización.
Somos un órgano asesor da Xunta Directiva que desenvolve propostas, establece
posicionamentos e aporta a voz en primeira persoa sobre os problemas de saúde mental, tanto de cara á organización como á sociedade en xeral.
Este Comité naceu en 2009 como “Comité de Persoas con Enfermidade Mental” e, en liña coa filosofía tanto do Comité como da propia Confederación de ofrecer unha visión positiva e en primeira persoa da saúde mental, en 2016 os seus membros decidimos unanimemente cambiar o nome polo deComité Pro Saúde Mental en Primeira Persoa.
MANIFESTOS
Desde o Comité Pro Saúde Mental en Primeira Persoa encargámonos de redactar e ler os manifestos polo Día Mundial da Saúde Mental ademais de propoñer os lemas que despois se elixen por votación popular a través de www.consaludmental.org
Queres saber máis?
En 2016, a Revista Española de Discapacidade (REDIS), que edita o Centro Español de Documentación sobre Discapacidade do Real Padroado, publicou un extenso artigo sobre o noso Comité: A saúde mental en primeira persoa. Os comités de persoas expertas.
VER TAMÉN