GRUPOS DE AXUDA MUTUA
Un Grupo de Axuda Mutua (GAM), é un espazo no cal os seus integrantes compartimos un mesmo problema, dificultade ou experiencia e onde nos reunimos periodicamente para brindarnos apoio mutuo entre iguais de forma voluntaria.
Hai moitos tipos de Grupos de Axuda Mutua, en función do colectivo de persoas que decide reunirse. No caso da saúde mental, tanto aqueles formados por persoas cun problema de saúde mental como aqueles integrados por familiares e persoas achegadas, teñen un mesmo obxectivo: ofrecer apoio e comprensión a quen comparten unha mesma situación, para que todos os seus integrantes poidan afrontala do modo máis positivo posible, e intercambien coñecementos e experiencias.